Қазақстан Республикасының мемлекеттік рәміздері туралы Конституциялық заң 2007 жылғы 4 маусымда қабылданды. Осы Заңға сәйкес Қазақстанда 4 маусым мемлекеттік рәміздер күні ретінде атап өтіледі. Мемлекеттік рәміздер кез келген мемлекеттің егемендігі мен бірлігін бейнелейтін ажырамас белгілері болып табылады. Қазақстан Республикасының мемлекеттік туы, мемлекеттік елтаңбасы және мемлекеттік әнұраны – мемлекеттік рәміздер болып табылады.

ҚАЗАҚСТАН РЕСПУБЛИКАСЫНЫҢ МЕМЛЕКЕТТІК ЕЛТАҢБАСЫ

Қазақстан Республикасының мемлекеттік елтаңбасы шеңбер тәрізді болып келеді және көгілдір фонда шанырақ бейнеленген, оны күн сәулесі қоршап тұр. Шанырақтың оң және сол жағында аңызға айналған қанатты тұлпарлар бейнеленген. Жоғарғы жағында бес бұрышты жұлдыз, төменгі жағында «Қазақстан» жазуы бар. Жұлдыз, шанырақ, қанатты тұлпарлар, сондай-ақ «Қазақстан» жазуы алтын түспен бейнеленген.

ҚАЗАҚСТАН РЕСПУБЛИКАСЫНЫҢ МЕМЛЕКЕТТІК ТУЫ

Қазақстан Республикасының мемлекеттік туы – көгілдір түсті тіктөртбұрышты мата, ортасында күн және оның астында қалықтап ұшқан бүркіт бейнеленген. Тудың сабына ұлттық ою-өрнек бейнеленген тік жолақ қойылған. Күн, оның сәулелері, бүркіт және ұлттық өрнек алтын түсті.

ҚАЗАҚСТАН РЕСПУБЛИКАСЫНЫҢ МЕМЛЕКЕТТІК ӘНҰРАНЫ

Қазақстан Республикасының әнұраны, бұрын «Менің Қазақстаным» деп аталған, Президент Нұрсұлтан Назарбаевтың бастамасымен 2006 жылғы 6 қаңтарда Парламентпен бекітілген. Ол алғаш рет 2006 жылғы 11 қаңтарда Мемлекет басшысының инаугурациясында орындалды.